സംസ്ഥാന സ്കൂൾ കലോത്സവത്തിന് കടലാസ് പേനകൾ തയ്യാറാക്കുന്നു.
58ആം കേരള സ്കൂൾ കലോത്സവത്തിന്റെ പ്രോഗ്രാം കമ്മിറ്റിക്കുവേണ്ടി കുട്ടികളും അദ്ധ്യാപകരും ചേർന്ന് കടലാസു പേനകൾ തയ്യാറാക്കുന്നു .തൃശൂർ ഈസ്റ്റ് ഉപജില്ലയിലെ വിദ്യാലയങ്ങളിലെ കുട്ടികളും അദ്ധ്യാപകരും ചേർന്നാണ് പേനകൾ തയ്യാറാക്കുന്നത് .500റോളം പേനകളാണ് ഇവർ തയ്യാറാക്കുക .ജനുവരി 2ന് തൃശൂർ ഗവ മോഡൽ സ്കൂളിൽ വെച്ചാണ് പേനകൾ തയ്യാറാക്കുന്നത് .രാവിലെ 10ന് നിർമ്മാണം ആരംഭിക്കും .12മണിക്ക് ,പ്രേഗ്രാം കമ്മറ്റിക്ക് വേണ്ടി ചെയർമാൻ മുരളി പെരുനെല്ലി എം എൽ എ യും കൺവീനർ ടി വി മദനമോഹനനും ചേർന്ന് പേനകൾ ഏറ്റുവാങ്ങും .കടലാസ് പേനകളുടെ നിർമാണത്തിന് തൃശൂർ ഡിഇഒ കെ ജി മോഹനൻ ,,എഇഒ എം ആർ ജയശ്രി,തൃശൂർയൂ ആർ സി ,ബി പി ഒ ബെന്നി സി ജേക്കബ് , ഒല്ലൂക്കര ബി പി ഒ .ടി എസ് രവീന്ദ്രൻ തുടങ്ങിയവർ നേതൃത്വം നൽകും .
സ്കൂൾ കലോത്സവത്തിന് ഗ്രീൻ പ്രോട്ടോകോൾ കർശനമായി പാലിക്കുന്നതിന്റെ ഭാഗമായാണ് പ്രോഗ്രാം കമ്മിറ്റി ഇത്തരം ഒരു തീരുമാനമെടുത്തത്.മാത്രമല്ല ,ഈ മത്സരങ്ങൾക്ക് പുറത്തുള്ള കുട്ടികളെക്കൂടി കലോത്സവത്തിന്റെ ഭാഗമാക്കുക എന്നലക്ഷ്യവും പ്രോഗ്രാം കമ്മറ്റിക്കുണ്ട്
No comments:
Post a Comment