'ഇലഞ്ഞി' ആദ്യ ലക്കം ജനുവരി 3ന് വൈശാഖൻ പ്രകാശനം ചെയ്യും

മൂന്നിന് നടക്കുന്ന പ്രോഗ്രാം കമ്മിറ്റിയുടെ സമ്പൂർണ്ണ യോഗത്തിൽ വച്ച് പ്രോഗ്രാം കമ്മിറ്റി പുറത്തിറക്കുന്ന ആദ്യത്തെ വാർത്താ പത്രികയുടെ പ്രകാശനം നടക്കും. സാഹിത്യ അക്കാദമി പ്രസിഡണ്ട് വൈശാഖൻ മാഷ് പ്രകാശനം ചെയ്യും. പ്രോഗ്രാം കമ്മിറ്റിയുടെ പേരായ 'ഇലഞ്ഞി' എന്ന് തന്നെയാണ് വാർത്താ പത്രികയുടെ പേര്. 2012 ൽ കൂടിയാട്ടം എന്ന പേരിൽ ഇത്തരം ഒരു വാർത്താ പത്രിക ഇറക്കിയിരുന്നു. നമ്മുടെ ജില്ലയിലെ പ്രമുഖരുടെ കലോത്സവ അനുഭവങ്ങൾ , സ്വപ്നങ്ങൾ, കാഴ്ചപ്പാടുകൾ, എന്നിവയാണ് ഉള്ളടക്കം. 4 ലക്കങ്ങൾ പുറത്തിറക്കും. ജനുവരി 3, 6, 8, 9 എന്നീ തിയതികളിലാണ് പത്രികകൾ പുറത്തിറക്കുക. കലോത്സവം സംബന്ധിച്ച 10 ചോദ്യങ്ങൾ ഈ പത്രികയിൽ ഉൾപ്പെടുത്തിയിട്ടുണ്ട്. 10 ചോദ്യങ്ങൾക്കും ശരിയുത്തരം എഴുതി പ്രോഗ്രാം കമ്മിറ്റി ഓഫീസിൽ വക്കുന്ന പെട്ടിയിൽ നിക്ഷേപിച്ചാൽ തെരഞ്ഞെടുക്കുന്നതിന് സമ്മാനം നൽകും. ഇത് കൂടാതെ ചില മത്സരങ്ങൾ കൂടി പ്രോഗ്രാം കമ്മിറ്റി നടത്തും. ചുമർ മാസിക, കലോത്സവ കുറിപ്പ്, കളർ സെൽഫി എന്നിങ്ങനെയാണ് മത്സരങ്ങൾ. തൃശൂർ ജില്ലയിലെ പൊതു വിദ്യാലയങ്ങളിലെ കുട്ടികളെ കലോത്സവവുമായി ബന്ധിപ്പിക്കുക എന്നതാണ് ഉദ്ദേശിക്കുന്നത്.