ഇലഞ്ഞി - കലോത്സവ പ്രോഗ്രാം കമ്മിറ്റി ഓഫീസ്

കലോത്സവത്തിന്റെ പ്രോഗ്രാം കമ്മിറ്റി ഓഫീസിന് ഇലഞ്ഞി എന്ന് പേരിടും. കലോത്സവ വേദികൾക്ക് മരങ്ങളുടേയും പൂക്കളുടേയും പേരിട്ടപ്പോൾ ഇലഞ്ഞിയെ ഉൾപ്പെടുത്താതിരുന്നത് ചർച്ചയായിരുന്നു. തൃശൂർ പൂരത്തിലെ ഇലഞ്ഞിത്തറ മേളം ഇലഞ്ഞിയുടെ ചുവട്ടിലാണ് നടക്കുന്നത്. അതിനാൽ എന്തുകൊണ്ടും ഇലഞ്ഞി എന്ന പേര് പ്രോഗ്രാം കമ്മിറ്റി ഓഫീസിന് അനുയോജ്യമാണെന്ന് അഭിപ്രായം ഉയരുകയായിരുന്നു. പ്രോഗ്രാം കമ്മിറ്റി ചെയർമാൻ മുരളി പെരുനെല്ലിയുടെ നേതൃത്വത്തിൽ ചേർന്ന യോഗത്തിൽ കലോത്സവത്തിന്റെ പ്രോഗ്രാം കമ്മിറ്റി ഓഫീസിന് ഇലഞ്ഞി എന്ന് പേരിടാൻ തീരുമാനിച്ചു.